Atarnajuat, la légende de l'homme rapide

Tapet eo bet gant Atanarjuat kalon ar plac'h yaouank a oa da zimeziñ gant mab penn ur c'hlann enebour. Setu an amourouz lezet a-gostez d'en em veñjiñ. Dont a ra a-benn Atanarjuat da dec'hout kuit rak ar gwalldaol graet evit lazhañ anezhañ, en ur redek evel un den dirollet. Kentel ar gontadenn inuit a lavar deomp eo dañjerus ober hervez e c'hoant hep soñjal da gentañ e mad ar gumuniezh. Ar film, troet e 1999 a zo graet en inuktitut... ar senario kentañ er bed bet skrivet ha sevenet er yezh-se. An aktourien, deraouidid koulz lavarout holl, a zo a orin eus Igloolik.