pe ijin an degouezhioù

Françoise Bouard

pe ijin an degouezhioù

Kavout ar poltred

Françoise ha Régis a fell dezho bezañ treizherien ar gwirvoud. Gant pevar film o doa graet tro ar gevredigezh turk ha kurd, e kement doare a zo. War-lerc'h ez int aet da filmañ emsavioù an dud en-dro dezho, e Breizh. Mennet don int da rannañ an holl istorioù-se, ha stummañ a reont an dud eus o c'hornig eus ar Mor-Bihan ivez war ar seveniñ, e framm ur bodad-stroll. Hag e kendalc'hont da hunvreal en o film da zont, e Burkina-Faso… Un tennad all eta en ergerzh an dizoloerien ar bevennoù skoemp ha fromus……

Kejadenn Françoise ha Régis a zo danvez ur film diha. Regis a zo sot-pitilh gant Turkia, emañ o vevañ eno abaoe daou vloaz hag ezporzhiañ a ra artizanerezh. An istor gant Françoise a grog adalek an deiz ma klask gwerzhañ ur kilim kozh dezhi. Marc'hata, keta ! Ha peogwir e komz-hi eus he c'hoant d'ober un teulfilm ez a-eñ raktal er jeu! «Greomp ur film asambles e Turkia». Respont a ra-hi ne gav ket ez eo stad ar merc'hed ouzh he grad. Perak ned afe ket neuze da welet penaos eo Turkia e gwirionez, pell-mat diouzh ar c'hartennoù-post hag eus klichedoù ar mediaioù ? Ober a reont neuze asambles, evel deskarded met gant fouge, o film kentañ, Le regard des cigognes. Pa'z int deuet en-dro int bet kalonekaet gant Paul Cornet e karg eus Odysséus productions en deus gwelet o labour hag aliet anezho da gendelc'her. Diwar neuze ne baouezint ken...

Stagañ a reont gant tonkadur ar c'humuniezhioù kurd ha turk. Gant Yürü, e 1997, e kontont penaos e klask un Durkez yaouank e Gwened tapout he frankiz. Goude-se e 2001, Un hiver à Istanbul, e tizoloer buhez fromus prizonidi durk, marksourien ur c'halz anezho, ha Kurded, e toulloù-bac'h Turkia. Kemplezh eo o stad, o goulennoù niverus, harz-debriñ betek ar marv... ar mouezhioù-se o sevel a-berzh keodedidi Turkia ne vezont, koulz lavaret, klevet morse gant ar c'helaouennoù gall, abalamour da marc'hata war ar c'henwerzh hag an diplomatelezh gant Europa.
Françoise ha Regis o deus gwelet feulster gouarnamant Turkia, kendelc'her a reont da glask, dre hentoù ar bed-se leun a zenelezh, gant o aezamant da vont davet an dud, pell eus kement manikeouriezh aes a zo.

Sur la faille, e 2004, a gomz eus ar re zo chomet bev war-lerc'h kren-douar bro Izmit. E Couleurs lointaines du bonheur e 2009 ez eus kaoz eus divroidi en Istanbul filmet gant an daou sevener, diskouez a reont gwander, stourm ha tonkadur buhezioù dalc'hmat war ar vevenn. Deuet int a-benn eus o zaol dre m'o doa ar Gurded yaouank fiziañs enno hag o doa gellet filmañ anezho, int hag o familh. Ur labour hir a soubidigezh evit un disoc'h a-zoare. Kizidik eo an danvez, pell-pell eus komzoù ar bolitikourien.

Kemeret o deus an diviz goude da filmañ en o bro, e Breizh, tost eus o zud, eus o bugale. Bepred emaint er stourm met en un doare disheñvel. Même pas peur (2010) a ya da heul ur strollad amatourien eus Brest, evito ez a ar c'hoariva gant ar stourm. Ondes fragiles (2013) a gont ar stourm evit derc'hel bev ur radio, Plum FM, hag engouestl unan eus ar vuhezourien, desaver arbennikaet, a ro ar gaoz da dud hag a vez lezet a-gostez peurliesañ. Kaout ur sell all warno, nac'h e vefe speurennet ar gevredigezh.

En tu-hont d'o filmoù o deus Françoise ha Régis savet ivez ur raktres a-stroll : rannañ skiant-prenet sevel teulfilmoù gant amatourien. Ar gevredigezh Les passeurs d'images et de sons a zo bet savet e Serent, er Mor-Bihan, el lec'h m'emaint o chom. Er stalioù-labour e vez degemeret, a bep eil, tud dilabour pe retredidi, yud yaouank, tud nevez-dic'hopret... O labour, graet asambles, a denn war-eeun d'o buhez, ur rummad poltridi brav skignet war-lerc'h d'an dud. Ur gwir vailhadur, ul labour don evit skignañ an teulfilmoù.

E-keit ma vezont o filmañ an holl draoù-se e talc'h bepred Françoise ha Régis gant o hunvre filmañ e Burkina-Faso, ur film hir gant bugale straedoù Bobo-Dioulasso ha krouiñ stalioù-labour ganto war ar memes tro.
Ur raktres hag a c'houlenn kalz labour, a vo graet gant an tiegezh, ur bazenn ouzhpenn en hentad stourm ha dic'hortoz an daou sevener.

Treizherien skeudennoù ha son
http://lespasseurs.fr
Kaset war-raok e 2005 gant Franoise Bouard ha Régis Blanchard, les passeurs d'images et de sons a zo ur gevredigezh diazezet e Serent hag a brodu teulfilmoù pe filmoù faltazi graet e stalioù-labour gant amatourien skoazellet gant tud a vicher. Pep film a zo un digarez evit an dud da gomz eus ar pezh a anavezont, hag dre se e kemeront perzh, war ar memes tro, e buhez ar vro en un doare keodedel en ur grouiñ danvez kleweled..

Dizoloit Matao, ur buhezour hag a ra gant ar gallaoueg https://vimeo.com/71159102
hag Annabelle, etre Israel ha Bro-C'hall https://vimeo.com/70888467

Evit kendelc'her gant ar veaj e Kurdistan : Conflit Kurde, le brasier oublié du Moyen-Orient gant Hamit Bozarslan Il neige dans la nuit gant Nazim Kikmet, Gallimard Neige gant Orhan Pamuk, Gallimard Contes de la montagne d'ordures, gant Latife Tekin, Stock


lec'hiennoù, e Roazhon hag e Pariz
http://www.amitieskurdesdebretagne.eu/
http://www.institutkurde.org/

FILMOGRAPHIE

  • 2010 Même pas peur... 88’
    Les Piqueteros sont neuf comédiens amateurs de Brest pour qui théâtre rime avec engagement. Neuf parcours de vies différents pour neuf personnalités bien forgées, ici rassemblées dans une aventure collective et singulière : écrire collectivement une pièce de théâtre sur le monde du travail.
  • 2009 Les couleurs lointaines du bonheur 52’ et 85'
    Les destins parallèles de deux jeunes kurdes exilés à Istanbul. Rodi lutte à travers la photographie et le cinéma documentaire pour parler des siens et préserver sa culture ancestrale. Deniz, elle, se bat pour en faire tomber les carcans qui emprisonnent les femmes.
  • 2004 Sur la faille 60’ - (Régis Blanchard seul )
    Quatre années après le terrible séisme de 1999 à Izmir-Turquie, le réalisateur revient sur les lieux du drame qu’il avait vécu et filmé alors. Que sont-ils devenus ? Comment se sont-ils reconstruits ?
  • 2001 Un hiver à Istanbul 59’
    À Istanbul, de l’automne 2000 au printemps 2001, pendant les grèves de la faim des prisonniers politiques contre l’isolement cellulaire. Le quotidien combat mené pour les Droits de l’Homme et la Démocratie en Turquie...
  • 1998 Yürü ! (Suis le chemin !) 60’
    Dans la recherche de son émancipation, Fatma, 24 ans est partagée entre le respect de sa famille et de sa communauté turque à Vannes, et l’indépendance de sa vie.
Les couleurs lointaines du bonheur

Les couleurs lointaines du bonheur

Régis Blanchard / Françoise Bouard

Tamm

Tonkadur disheñvel Rodi ha Deniz, ur paotr yaouank hag ur plac'h yaouank kurd, o deus ranket, e fin o bugaleaj, harluiñ, ha kuitaat o c'hêriadenn digenvez er menezioù evit mont da Istanbul.

Gwelet ar fichenn

Ondes fragiles

Ondes fragiles

Françoise Bouard

Tamm

E-serr sevel poltred unan eus kasourien Plum FM e tispeg ar film-mañ istor ur radio gevredel m’eo he mennadoù-stur bezañ chaodouron an disheñvelded, heklev al liested, korn-boud ar gaoz hag ul lec’h selaou ha kenskoazell.

Gwelet ar fichenn

Un hiver à Istanbul

Un hiver à Istanbul

Régis Blanchard / Françoise Bouard

Film war e hed

En Istanbul adalek diskaramzer ar bloavezh 2000 betek nevezamzer 2001 ez eus bet prizonidi bolitikel oc'h ober un harz debriñ kalet a-enep ar c'helloù digenveziñ. Mont a reomp da heul ar baotred hag ar merc'hed kalonek-se a stourm bemdez evit ma (...)

Gwelet ar fichenn

Yürü

Yürü

Régis Blanchard / Françoise Bouard

Film war e hed

25 bloaz eo Fatma. Setu 17 vloaz 'zo emañ o vevañ er Frañs. Ar gumuniezh turk el lec'h m’emañ o chom e Gwened a zo kreñv ha kengret. Fatma a fell dezhi bezañ emren met  klasket e vez herzel outi gant ar re all. Penaos kaout ur (...)

Gwelet ar fichenn