ar filmaozer na goll morse kalon

Anand Patwardhan

ar filmaozer na goll morse kalon

Kavout ar poltred

Anand Patwardhan a zo un teulfilmour eus India, abaoe ouzhpenn tregont vloaz en deus kaset da benn ur pikol oberenn sinema war danvezioù politikel hag a sav alies tabut diwar o fenn e gevredigezh Bro-India. Priziet eo bet e filmoù er bed a-bezh, ha bez' eo ivez ar filmaozer a zo bet troc'het e filmoù ar muiañ er bloavezhioù tremen. Kendelc'her a ra kouskoude. Tabutoù relijiel, isdiorroadur, broadelouriezh washaet, galloud an arme hag an nukleel : Anand a laka hardizh e gamera hag e spered lemm e servij ar re a stourm evit ar gwirioù pennañ.

Dija pa oa studier e rae Anand pep tra evit dont a-benn ; aet eo eus skol-veur Bombay el lec'h ma rae studioù lennegezh saoznek d'ar Stadoù-Unanet evit tremen ur vestroniezh sokiologiezh ha goude eo aet da Ganada evit studiañ ar c'hehentiñ.
N'eo ket Anand ur studier fur ha sioul, difretañ a ra ken na ra. Kemer a ra perzh er stourm a-enep da vrezel ar Viet-nam ha goude e sav a-du gant Unvaniezh devezhourien Cesar Chavez, ur chicano sindikalour brudet e Kalifornia. Filmañ a ra A time to rise (1981).

Distreiñ a ra da India hag e labour war ur raktres desaverezh ha diorren, kemer a ra perzh er stourmoù a-enep ar goubrenerezh, ezel eo eus strolladoù evit ar gwirioù keodedel hag evit ar frankiz demokratel. N'eo ket peogwir ec'h implij ar c'hamera e pella eus ar stourmoù-se, ar c'hontrol an hini eo : ar stourmoù a zo e kalon e filmoù. Stourm a-enep ar paourekaat hag evit al lojeiz, a-enep hollc'halloudegezh an arme hag an nukleel, ha nac'h a ra kement broadelouriezh a zo.

Er film Bombay, our city (1985) e komzer eus kêrioù lochennoù, ar vroadelouriezh hindouat o kreskiñ a zo abeg ar film In the name of god (1992). Goude-se, War and peace (2002) a gomz eus kudenn an armoù nukleel hag ur film nevesoc'h, Jai Bhim Comrade (2011) a zo un enklask hir diwar-benn feulster ar c'hastoù, dreist-holl emsav ar re zic'hlan pe dalith. E filmoù a laka bloavezhioù da c'hoiñ abalamour d'e resisted vras ha d'e c'hoantoù ha d'an dielfennadurioù disheñvel a fell dezhañ studiañ pizh... Evitañ ur film a rank arguzenniñ, prouiñ ar stourmoù, skoazellañ ar stourmerien ha reiñ d'anavezout o emgann.

Kalz eus e filmoù a zo bet nac'het pe troc'het gant chadennoù ar skinwel stad en India pe taget gant diazezelourien eus an tu dehoù en e vro hag en diavaez. Alies en deus ranket Anand mont d'al lez-varn evit difenn e filmoù evit na vijent ket daztroc'het. Aet eo pelloc'h zoken ha skrivet en deus ur manifesto e 2003 : Free for freedom.

Rentet 'z eus bet enor da Anand gant Cinéma du Réel e 2013, Nicole Brenez, istorourez hag e karg eus ar programm a ziskouez mat e berr gomzoù e nerzh youlek.
«Setu ma weler er sinema a-drugarez da Anand Parwardhan freuz an emgannoù, tuioù liesseurt ar stourmoù, galvadegoù meur, prezegennoù renerien ha kanaouennoù ar re wasket.»

 

FILMADUREZH

  • 1971 Waves of Revolution' (Kraanti Ki Tarangein)
    Film sur la répression gouvernementale pendant le Mouvement de Bihar.
  • 1978 Prisoners of Conscience' (Zameer ke Bandi)
    Film sur les prisonniers politiques pendant l’État d'urgence (Inde.)
  • 1981 A Time to Rise' (Uthan da Vela)
    Film sur les efforts des ouvriers agricoles indiens au Canada pour se syndicaliser.
  • 1985 Bombay: Our City' (Hamara Shahar)
    Les problèmes de survies quotidiens de habitants des bidonvilles de Bombay.
  • 1990 In Memory of Friends' (Una Mitran Di Yaad Pyaari)
    La refonte de l'harmonie communautaire au Punjad.
  • 1992  In the Name of God' (Ram ke Nam)
    Sur le développement du nationalisme indou et la démolition de la mosquée de Babri.
  • 1993 We are not your Monkeys
    La critique d'un Intouchable sur le fameux Ramayana à travers une vidéo musicales.
  • 1995 Father, Son and Holy War' (Pitra, Putra aur Dharmayuddha)
    Les racines patriarcales de la violence en Inde.
  • 1996 A Narmada Diary
    Présentation du Narmada Bachao Andolan de Gujarat.
  • 1996 Occupation: Mill Worker
    Chroniques des actions de meuniers qui, après quatre ans de blocage, continuent à occuper de force le New Great Eastern Mill d'Inde.
  • 1998 Fishing : In the Sea of Greed
    Réactions de communautés de pécheurs en Inde et au Bangladesh face à la pêche intensive.
  • 1998 Ribbons for Peace
    Un clip vidéo anti-nucléaire.
  • 2002 War and Peace (Jang Aur Aman)
    Sur les traces de développement d'armes nucléaires en Inde et au Pakistan.
  • 2006 Images You Didn't See
    Clip vidéo qui interprète des images trouvées sur internet qui n'apparaissent jamais dans les médias de masse, ou des images qui sont masquées par des informations récréatives.
  • 2009 Children of Mandala
    Un message des enfants déplacés économiquement d'un bidonville à Mumbai.
  • 2011 'Jai Bhim Comrade'
    Un film-documentaire basé sur un incident réel, le meurtre de 10 Intouchables par la police de Mumbay.
  • 2015 You can destroy the body
    Clip vidéo réalisé après le meurtre de Narendra Dabholkar et de Comrade Govind Pansare par des fondamentalistes hindous

Lec'hienn bersonel : http://patwardhan.com/wp/

Bombay our city

Bombay our city

Anand Patwardhan

Bandenn-vrudañ

Ur sell sklaer ha lemm war ar miliadoù a dud zo  o vevañ e  kervidonioù e kêr-benn ekonomikel India : o stourm pemdeziek evit treuzvevañ, o stourm a-enep  breinadur ar velestradurezh ha koulzadoù distruj kaset da benn gant ar (...)

Gwelet ar fichenn

In the name of god

In the name of god

Anand Patwardhan

Bandenn-vrudañ

Un emgann gant tud lazhet, e miz Kerzu 1992, etre emsaverien hindou ha musulman en Ayodhya a zo bet un digarez evit ar sevener da gomz eus ar reolennoù relijiel hag eus ar fanatiezh o ren en e vro.

Gwelet ar fichenn

Jai Bhim Comrade

Jai Bhim Comrade

Anand Patwardhan

Bandenn-vrudañ

Abaoe miliadoù a vloavezhioù e Bro-Indez ez eo an Dalited tud « dic'hlan » hag e c'houzañvont krizderioù a bep seurt. E 1997 e oa bet mastaret delwenn an doktor Ambedkar , ezel eus ur gumuniezh dalit. Ar polis en doa tennet war an dud a oa o (...)

Gwelet ar fichenn

You can destroy the body

You can destroy the body

Anand Patwardhan

Tamm

Istor Kabir Kala Manch, ur strollad arzourien indat ; stourm a reont ouzh ar renkadoù, evit an demokratelezh, ha heskinet e vezont didruez gant gouarnamant India.

Gwelet ar fichenn